തലപ്പുഴ: തവിഞ്ഞാല്‍ പഞ്ചായത്തിലെ വിവിധയിടങ്ങളില്‍ കാട്ടാനശല്യം രൂക്ഷമായി. കണ്ണോത്തുമല, വരയാല്‍, മേലെ വരയാല്‍, ബോയ്‌സ് ടൗണ്‍, തവിഞ്ഞാല്‍ 44 പ്രദേശങ്ങളിലുള്ളവരാണ് കാട്ടാനശല്യത്തില്‍ ദുരിതം പേറുന്നത്.
കഴിഞ്ഞ ദിവസം മേലെ വരയാലില്‍ ഇറങ്ങിയ കാട്ടാന മേലെപുരയ്കല്‍ സുമതി, നമ്പൂരിക്കണ്ടം സോമന്‍, തയ്യുള്ളതില്‍ കണാരന്‍, പടിപ്പുര ശശി, കോലോത്ത് ജോര്‍ജ് തുടങ്ങിയവരുടെ തെങ്ങ്. കമുക് കൃഷികള്‍ നശിപ്പിച്ചിരുന്നു. കാട്ടാനശല്യം രൂക്ഷമായതിനെ തുടര്‍ന്ന് കഴിഞ്ഞ ദിവസം കര്‍മ്മസമതി ഭാരവാഹികള്‍ ഡി.എഫ്.ഒ ഓഫിസ് ഉപരോധിച്ചിരുന്നു.