തിരുന്നാവായ: ഭാരതപ്പുഴയില്‍ കുടുങ്ങിയ കന്നുകാലികളെ രക്ഷപ്പെടുത്തുന്നതിന് നടപടികള്‍ക്കായി ദേശീയ ദുരന്ത സേനയും മറ്റു ഉദ്യോഗസ്ഥരും എത്തുന്നതിന്റെ മണിക്കൂറുകള്‍ക്ക് മുന്‍പ് ഉടമകള്‍ കന്നുകാലികളെ കടത്തിക്കൊണ്ടു പോയി. തവനൂര്‍ ഭാഗത്ത് കുടുങ്ങി കിടന്നിരുന്ന പോത്ത്, എരുമ, പശു തുടങ്ങിയ നാല്‍ക്കാലികളെയാണ് ഉടമകള്‍ വഞ്ചിയുമായി എത്തി കടത്തി കൊണ്ടുപോയത്. ഉദ്യോഗസ്ഥര്‍ വരുന്നതറിഞ്ഞ ഉടമകള്‍ പുഴയുടെ തവനൂര്‍ ഭാഗത്ത് എത്തി മറ്റുള്ളവരുടെ സഹായത്തോടെ മൃഗങ്ങളെ കടത്തുകയായിരുന്നു.