സുല്‍ത്താന്‍ ബത്തേരി: കെ.എസ്.ആര്‍.ടി.സി പുറകിലിടിച്ച കാര്‍ മുന്നിലെ കെ.എസ്.ആര്‍.ടി.സി ബസിനിടയില്‍ കയറി തകര്‍ന്നു ബത്തേരി ട്രാഫിക് ജംഗ്ഷനു സമീപം രാവിലെ 11 മണിയോടെയാണ് സംഭവം. കാറിനു പുറകില്‍ വന്ന കെ.എസ് ആര്‍.ടി.സി ബസ് ഡ്രൈവര്‍ക്ക് ദേഹാസ്വസ്ഥ്യം അനുഭവപ്പെട്ട് നിയന്ത്രണം വിട്ട് മുന്നിലുണ്ടായിരുന്ന കാറിനു പുറകിലിടിച്ചാണ് അപകടം. ഇടിയുടെ ആഘാതത്തില്‍ കാറിന്റെ മുന്‍ഭാഗം മുന്നിലുണ്ടായിരുന്ന കെ.എസ്. ആര്‍.ടി.സി ബസിനടിയിലേക്ക് ഇടിച്ചു കയറി. കാറിന്റെ ബോണറ്റിനും ബംപറിനും കേടുപാടുകള്‍ സംഭവിച്ചു. അപകടത്തില്‍ ആര്‍ക്കും പരുക്കില്ല. ദേഹാസ്വസ്ഥ്യം അനുഭവപ്പെട്ട കെ.എസ്.ആര്‍.ടി.സി ഡ്രൈവറെ ബത്തേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.