കോവളം: രണ്ടര വയസുകാരിയെ പീഡിപ്പിച്ച കേസില്‍ അയല്‍വാസിയായ യുവാവിനെ കോവളം പൊലിസ്് അറസ്റ്റ് ചെയ്തു.പനങ്ങോട് പോറോഡ് തിരുവാതിരയില്‍  സുധീഷാണ് (21) അറസ്റ്റിലായത്.കുട്ടിയുടെ മാതാ പിതാക്കള്‍ ജോലി സംബന്ധമായി പുറത്തുപോകുമ്പോള്‍ കുട്ടിയെ  അയല്‍വാസിയായ പ്രതിയുടെ മാതാപിതാക്കളെ നോക്കാന്‍ ഏല്‍പിച്ച് പോകുകയായിരുന്നു പതിവ്. വീട്ടില്‍ മറ്റാരുമില്ലാത്ത സമയങ്ങളില്‍ പ്രതി കുട്ടിയെ പീഡിപ്പിച്ച് വരികയായിരുന്നുവെന്ന്  കോവളം പൊലിസ്് പറഞ്ഞു.
നിരന്തരമായ പീഡനത്തെ തുര്‍ന്ന് കുട്ടിക്ക് ശാരീരിക അസ്വസ്ഥതയും പനിയും ബാധിച്ചതോടെ  രക്ഷിതാക്കള്‍ കുട്ടിയെ തിരുവനന്തപുരം എസ്.എ.ടി അശുപത്രിയില്‍ കാണിച്ചപ്പോഴാണ് പീഡനം വിവരം അറിയുന്നത്.തുടര്‍ന്ന് രക്ഷിതാക്കല്‍ കോവളം പൊലിസില്‍ പരാതി നല്കിയതോടെ പ്രതി ഒളിവില്‍ പോയി.അന്വേഷണം നടന്നുവരവെ വിഴിഞ്ഞം സി.ഐ എന്‍.ഷിബുവിന്റെ നേതൃത്വത്തില്‍ കോവളം എസ്.ഐ.ജി.അജയകുമാര്‍, പൊലിസുകാരായ ദിനേഷ്, ഷിബു, രാജേഷ് ബാബു, അരുണ്‍ പ്രഷോഭ് എന്നിവരടങ്ങിയ സംഘം ഒളിവില്‍ കഴിഞ്ഞ പ്രതിയെ ഇന്നലെ തന്ത്രപൂര്‍വ്വം കസ്റ്റഡിയിലെടുക്കുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.