പയ്യന്നൂര്‍: സ്ത്രീ സുരക്ഷ പറഞ്ഞ് അധികാരത്തിലേറിയ പിണറായി വിജയന്‍ സര്‍ക്കാരിന്റെ ഭരണത്തില്‍ സ്ത്രീകള്‍ക്കു വഴി നടക്കാന്‍ പോലും കഴിയാത്ത സാഹചര്യമാണെന്ന് മഹിളാ കോണ്‍ഗ്രസ് കാസര്‍കോട് ജില്ലാ പ്രസിഡന്റ് ശാന്തമ്മ ഫിലിപ്പ്. യു.ഡി.എഫ് മഹിളാ പ്രവര്‍ത്തകരുടെ കണ്‍വന്‍ഷന്‍ പയ്യന്നൂര്‍ ഗാന്ധി മന്ദിരത്തില്‍ ഉദ്ഘാടനം ചെയ്യുകയായിരുന്നു അവര്‍.
മത ന്യൂനപക്ഷങ്ങളെയും പിന്നാക്ക വിഭാഗങ്ങളെയും അക്രമിച്ചു കൊലപ്പെടുത്തുന്ന മോദിയും രാഷ്ട്രീയ കൊലപാതകങ്ങള്‍ക്കു നേതൃത്വം നല്‍കുന്ന പിണറായി വിജയനും ഒരേ തൂവല്‍ പക്ഷികളാണെന്നു അവര്‍ പറഞ്ഞു. ജില്ലാ പ്രസിഡന്റ് രജനി രമാനന്ദ് മുഖ്യപ്രഭാഷണം നടത്തി. എം.വി വത്സല അധ്യക്ഷയായി. പി. ലളിത, ഇ.പി ശ്യാമള, എം.കെ ഷമീമ, ഷുഹൈബ, അത്തായി പത്മിനി, സി. പൂമണി, എസ്.എ ഷുക്കൂര്‍ ഹാജി, ഡി.കെ ഗോപിനാഥ്, ബി. സജിത് ലാല്‍, കെ. ജയരാജ് സംസാരിച്ചു.