തളിപ്പറമ്പ് : വിളയാങ്കോട് കുളപ്പുറത്തെ വീട്ടമ്മയുടെ ഫോട്ടോ മോര്‍ഫ് ചെയ്ത് അശ്ലീല ഫോട്ടോയാക്കി പ്രചരിപ്പിച്ച കേസില്‍ രണ്ട് യുവാക്കള്‍ അറസ്റ്റില്‍. വിളയാങ്കോട് കുളപ്പുറം സ്വദേശികളായ മനയില്‍ വീട്ടില്‍ വിപിന്‍രാജ് (22) പുതിയ വീട്ടില്‍ കൃഷ്ണകിരണ്‍ (23) എന്നിവരെയാണ് പരിയാരം പ്രിന്‍സിപ്പല്‍ എസ്.ഐ വി.ആര്‍ വിനീഷ് അറസ്റ്റ് ചെയ്തത്. കുളപ്പുറത്തെ 32 കാരിയുടെ പരാതിയിലാണ് അറസ്റ്റ്. വ്യക്തിവിരോധം കൊണ്ടാണ് ഫെയ്‌സ് ബുക്കില്‍ നിന്നും കോപ്പി ചെയ്‌തെടുത്ത് ഫോട്ടോ മോര്‍ഫ് ചെയ്ത് പ്രചരിപ്പിച്ചതിന് പിന്നിലെന്നാണ് സൂചന. യുവാക്കളുടെ മൊബൈല്‍ ഫോണില്‍ തന്റെ ഫോട്ടോ ഉണ്ടെന്ന് മനസ്സിലാക്കിയ യുവതി ബന്ധുക്കളുടെ സഹായത്തോടെ പൊലിസില്‍ പരാതിനല്‍കുകയായിരുന്നു.