ബീജിങ്: ആഗോള ആശയവിനിമയ സേവനമെന്ന ലക്ഷ്യത്തോടെ ചൈന 300 ചെറു ഉപഗ്രഹ സാറ്റലൈറ്റുകള്‍ വിക്ഷേപിക്കുന്നു. ഇതിന്റെ ഒന്നാംഘട്ട വിക്ഷേപണം ഈ വര്‍ഷാന്ത്യത്തില്‍ ഉണ്ടാവും.

ഹുനാന്‍ കൊമേര്‍സ്യല്‍ ഏവിയേഷന്‍ സ്‌പേസും മറൈന്‍ എക്യുപ്‌മെന്റ് ഫോറവുമാണ് ഇക്കാര്യം പ്രഖ്യാപിച്ചത്. ഹോങ്യാന്‍ എന്നു പേരിട്ടാണ് ഒരു കൂട്ടം ഉപഗ്രഹങ്ങള്‍ സൗരയൂഥത്തിലേക്കു വിക്ഷേപിക്കുക.

പദ്ധതി വിജയിച്ചാല്‍ ഭൂമിയില്‍ എല്ലായിടത്തും മൊബൈല്‍ നെറ്റ്‌വര്‍ക്ക് ലഭ്യമാവുമെന്നാണ് ചൈനയുടെ അവകാശവാദം. മരുഭൂമി അടക്കം ഒറ്റപ്പെട്ട പ്രദേശങ്ങളിലും നെറ്റ്‌വര്‍ക്ക് ലഭിക്കും.

അമേരിക്കയുടെ ജി.പി.എസി (ഗ്ലോബല്‍ പൊസിഷനിങ് സിസ്റ്റം) നെ വെല്ലുവിളിച്ച് ബി.ഡി.എസ് (ബെയ്ദൂ നേവിഗേഷന്‍ സാറ്റലൈറ്റ് സിസ്റ്റം) ഉണ്ടാക്കാനുള്ള തയ്യാറെടുപ്പിലാണ് ചൈന. ചൈനയുടെ സൈനിക ആവശ്യങ്ങള്‍ക്ക് ജി.പി.എസിനെ ഒഴിവാക്കി ബി.ഡി.എസാണ് ഇപ്പോള്‍ ഉപയോഗിക്കുന്നത്.