തൃശൂര്‍: ടി.എന്‍ പ്രതാപന്റെ തെരഞ്ഞെടുപ്പ് പ്രചാരണാര്‍ഥം മലയോര, തീരദേശ യാത്രകള്‍ ഇന്നും നാളെയും നടക്കും. മലയോര യാത്ര ഇന്ന് പുതുക്കാട് നിയോജക മണ്ഡലത്തിലെ മലയോര പ്രദേശമായ പുലിക്കണിയില്‍നിന്ന് ആരംഭിച്ച് മരോട്ടിച്ചാല്‍, വിലങ്ങന്നൂര്‍, മഞ്ഞക്കുന്ന്, ചിറക്കേക്കോട്, പാണ്ടി പറമ്പ്, കട്ടില പൂവം വഴി കരുവാന്‍ക്കാട് സമാപിക്കും.
മേഖലയിലെ ജനങ്ങളെ നേരിട്ടുബാധിക്കുന്ന പട്ടയ വിതരണം, വന്യമൃഗ അക്രമങ്ങള്‍, കര്‍ഷകരുടെ ഉല്‍പന്നങ്ങള്‍ക്ക് വിലയിടിവ്, എന്നീ പ്രശ്‌നങ്ങള്‍ ഉന്നയിച്ച് കൊണ്ടാണ് യാത്ര നടത്തുന്നത്. തീരദേശത്തെ യാത്ര പ്രശ്‌നങ്ങളുയര്‍ത്തിപ്പിടിച്ച് നാളെ വൈകിട്ട് മൂന്നിന് വലപ്പാട് പഞ്ചായത്തിലെ പാലപ്പെട്ടി ബീച്ചില്‍ നിന്നാരംഭിച്ച് തൃശൂര്‍ ജില്ലയുടെ അതിര്‍ത്തി പ്രദേശമായ അണ്ടത്തോട് തീരത്ത് സമാപിക്കും.