നന്തി: ദേശാന്തര പ്രശസ്തമായ ജാമിഅഃ ദാറുസ്സലാം അല്‍ ഇസ്ലാമിയ്യ നന്തിയുടെ സ്ഥാപകനും ആത്മീയ ചികില്‍സാലിയും സൂഫിവര്യനുമായിരുന്ന നന്തിയില്‍ മുഹമ്മദ് മുസ്ല്യാരുടെ 26ആം ആണ്ടനുസ്മരണവും ദാരിമീസ് ഓണ്‍ലൈന്‍ സംഗമവും ആഗസ്ത് 17 ന് തിങ്കള്‍ രാത്രി 7 ന് നടക്കും. വര്‍ഷം തോറും ദാറുസ്സലാമില്‍ വെച്ച് നടത്തി വരാറുള്ള ചടങ്ങ് കോവിഡ് പശ്ചാതലത്തില്‍ ഈ വര്‍ഷം ദാരിമീസ് സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ ഓണ്‍ലൈനായാണ് - KICR യൂട്യൂബ് ചാനലില്‍ - നടത്തപ്പെടുന്നത്.

ചടങ്ങ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ജാമിഅ: ദാറുസ്സലാം പ്രിന്‍സിപ്പല്‍ മൗലാനാ മൂസക്കുട്ടി ഹസ്രത്ത് അദ്ധ്യക്ഷത വഹിക്കും. സമസ്ത കേരള ജംഇയ്യത്തുല്‍ ഉലമ അദ്ധ്യക്ഷന്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ , ശൈഖുനാ എംടി അബ്ദുല്ല മുസ്ല്യാര്‍ , ശൈഖുനാ എവി അബ്ദുറഹ്മാന്‍ മുസ്ല്യാര്‍ ,ശൈഖുനാ ഇ.കെ അബൂബക്കര്‍ മുസ്ല്യാര്‍ ,ടി എസ് ഇബ്രാഹീം മുസ്ല്യാര്‍ എന്നിവര്‍ അനുസ്മരണ പ്രഭാഷണം നടത്തും. ഉമര്‍ ഫൈസി മുക്കം,എംപി തഖിയ്യുദ്ദീന്‍ ഹൈതമി, അബ്ദുല്‍ഗഫൂര്‍ ദാരിമി മുണ്ടക്കുളം, മുഹമ്മദ് കുട്ടി ദാരിമി കോടങ്ങാട്,സയ്യിദ് റഷീദലി ശിഹാബ് തങ്ങള്‍ ദാരിമി,സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി ദാരിമി, സയ്യിദ് മുബശിര്‍ ജമലുല്ലൈലി തങ്ങള്‍ ദാരിമി തുടങ്ങിയവര്‍ പ്രസംഗിക്കും.