റിയാദ്: മലപ്പുറം സ്വദേശി സഊദിയിലെ ആരാരിൽ മരണപ്പെട്ടു. മലപ്പുറം ഒതുക്കുങ്ങൽ മറ്റത്തൂർ സ്വദേശി എറയിസൻ വീട്ടിൽ മുഹമ്മദാണ് ഇവിടെ താമസസ്ഥലത്ത് വെച്ച് മരണപ്പെട്ടത്. 38 വർഷമായി അറാറിൽ പ്രവാസിയായിരുന്ന മുഹമ്മദ് പ്രദേശത്തെ മികച്ച സാമൂഹിക പ്രവർത്തകനായിരുന്നു. അറാർ കെഎംസിസി സെൻട്രൽ കമ്മിറ്റി ട്രഷററായി പ്രവർത്തിച്ചു വരികയായിരുന്നു. കുഞ്ഞുമൊയ്തീൻ - ഖദീയകുട്ടി ദമ്പതികളുടെ മകനാണ് മരണപ്പെട്ട മുഹമ്മദ്. കദിയാമ്മുവാണ് ഭാര്യ. നാസിഫ്(അറാർ ), നസീമുദ്ധീൻ, ഫാത്തിമ തുഫ്ല, ആയിഷ തസ്‌ല എന്നിവർ മക്കളാണ്. മരുമക്കൾ: അനീസ് ബാബു( ജിദ്ദ ), ശഫീർ മങ്ങാട്ടുപാലം.

     അറാർ പ്രിൻസ് അബ്ദുൽഅസീസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം അറാറിൽ മറവ് ചെയ്യുന്നതിന് നടപടിക്രമങ്ങൾ പൂർത്തീകരിക്കുന്നതിനായി അറാർ പ്രവാസി സംഘം രക്ഷാധികാരി ബക്കർ കരിമ്പയുടെ നേതൃത്വത്തിലുള്ള സാമൂഹിക പ്രവർത്തകർ പ്രവർത്തിച്ചുവരുന്നു.