പൊതു ജനങ്ങളുടെ പ്രശ്നപരിഹാരത്തിനായി എല്ലാ ബുധനാഴ്ചയും ഏര്‍പ്പെടുത്തിയ ഓപ്പണ്‍ ഹൗസ് യോഗം, പ്രവാസി സമൂഹത്തിന് നല്‍കി വരുന്ന സേവനങ്ങള്‍ കാര്യക്ഷമമാക്കാന്‍ വേണ്ടി ഇന്ത്യൻ എംബസ്സിയിലും പാസ്​പോർട്ട്​ ഓഫിസ് കേന്ദ്രങ്ങളിലും സ്ഥാപിച്ച പരാതിപ്പെട്ടി, മെയിലിലൂടെയും സാമൂഹിക മാധ്യമങ്ങളിലൂടെയും പരാതികളും നിർദ്ദേശങ്ങളും സമർപ്പിക്കാനുളള സംവിധാനം തുടങ്ങിയ സേവനങ്ങള്‍ പ്രവാസി സമൂഹത്തിന് ഏറെ ഉപകാരപ്രദവും ആശ്വാസകരവുമാണ്.

 

പൊതുമാപ്പ്​ കാലത്ത്​ ഔട്ട്​ പാസ്​ ലഭിച്ച്​ നാട്ടിൽ പോവാൻ കഴിയാത്തവരുടെയും, വിമാന സർവീസ്​ ഇല്ലാത്തതിനാൽ കുവൈത്തിൽനിന്ന്​ നാട്ടിലേക്കും നാട്ടിൽനിന്ന്​ കുവൈത്തിലേക്കും വരാൻ കഴിയാത്തവരുടെയും, തൊഴിൽ നഷ്ടപ്പെട്ടവരുടെയും തൊഴിൽ ചൂഷണത്തിനിരയായവരുടെയും,

ഇന്ത്യന്‍ എൻജിനീയർമാരുടെയും മെഡിക്കൽ പ്രഫഷനലുകളുടെയുമെല്ലാം പ്രശ്ന പരിഹാരങ്ങള്‍ക്ക് അദ്ദേഹത്തിന്റെ ഇടപെടലുകള്‍ ഏറെ പ്രതീക്ഷയോടെയാണ് ഇന്ത്യന്‍ സമൂഹം നോക്കി കാണുന്നത്.

 

ഒരു വിധ വിവേചനവും ആരോടും ഉണ്ടാവില്ലെന്നും, അഴിമതിയും ചൂഷണവും പക്ഷപാതിത്വവും വെച്ചുപൊറുപ്പിക്കില്ലെന്നുമുള്ള പ്രഖ്യാപനം , അദ്ദേഹത്തിന്റെ സത്യസന്ധതയെയും, ആത്മാര്‍ത്ഥതയെയുമാണ് വെളിപ്പെടുത്തുന്നത്.

 

വിവിധ രാജ്യങ്ങളിലെ ഇന്ത്യന്‍ നയതന്ത്ര കാര്യാലയങ്ങളില്‍ ഉന്നതമായ നിരവധി പദവികള്‍ വഹിച്ച അദ്ദേഹത്തിന് ദീര്‍ഘ കാലം കുവൈത്തിലെ ഇന്ത്യന്‍ സമൂഹത്തിന് വേണ്ടി സ്തുത്യര്‍ഹമായ സേവനങ്ങള്‍ ചെയ്യാന്‍ കഴിയട്ടെ എന്ന് ആശംസിക്കുന്നതോടൊപ്പം, സമസ്ത കേരള ജംഇയ്യത്തുല്‍ ഉലമയുടെ കുവൈത്തിലെ പോഷക സംഘടനയായ കെ.ഐ.സി യുടെ എല്ലാ പിന്തുണയും സഹകരണവും വാഗ്ദാനം ചെയ്യുന്നതായും ഭാരവാഹികള്‍ അറിയിച്ചു.