എളേറ്റില്‍: സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ (എസ്.കെ.എം.എം.എ) ജില്ലാതല മദ്‌റസാ പ്രവേശനോത്സവം കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. വാവാട് റെയ്ഞ്ച് പരിധിയിലെ പറക്കുന്ന് നൂറുല്‍ ഹുദാ മദ്‌റസയില്‍ നടന്ന ചടങ്ങില്‍ ജില്ലാ പ്രസിഡന്റ് എ.എ.പി തങ്ങള്‍ അധ്യക്ഷനായി.
സമസ്ത ജില്ലാ സെക്രട്ടറി കെ. അബ്ദുല്‍ ബാരി ബാഖവി മുഖ്യപ്രഭാഷണം നടത്തി. കെ.പി കോയ, പി. മാമുക്കോയ ഹാജി, കെ.കെ ഇബ്രാഹിം മുസ്‌ലിയാര്‍, വി.കെ.സി മൊയ്തു ഹാജി, കെ.കെ നാസര്‍ ഹാജി, എം.എ ഗഫൂര്‍, പി.കെ മൊയ്തീന്‍ ഹാജി, ടി.പി ഇബ്രാഹിം, കെ. മൊയ്തീന്‍ കുട്ടി, കെ.കെ.എച്ച് അബ്ദുറഹ്മാന്‍ കുട്ടി, മുഹമ്മദ് സാലിഹ് അസ്ഹരി, എന്‍.കെ അബൂബക്കര്‍ മാസ്റ്റര്‍, ഫസല്‍ ആവിലോറ സംസാരിച്ചു.