കണ്ണൂര്‍: കണ്ണൂര്‍ യൂനിവേഴ്‌സിറ്റി സ്റ്റാഫ് ഓര്‍ഗനൈസേഷന്റെ നേതൃത്വത്തില്‍ സര്‍വകലാശാലാ ജീവനക്കാര്‍ നടത്തിവരുന്ന നിരാഹാരസമരം 24 ദിവസം പിന്നിട്ടു.
സെക്ഷന്‍ ഓഫിസര്‍മാരായ സ്മിത ഭാസ്‌കരന്‍, ഡിസിജ എന്നിവരാണു സമരം തുടരുന്നത്. ജീവനക്കാര്‍ക്കെതിരെയുള്ള നടപടിയില്‍ സര്‍വകലാശാലാ രജിസ്ട്രാര്‍ ചാന്‍സലര്‍ കൂടിയായ ഗവര്‍ണര്‍ക്കു മുമ്പാകെ ഇന്നു ഹാജരാവണം. സംഘടനയുടെ പരാതിയെ തുടര്‍ന്നാണു നടപടി.
മാങ്ങാട്ടുപറമ്പ് കാംപസിലെ ഗണിതശാസ്ത്ര അധ്യാപകനെതിരായ പീഡന ആരോപണത്തെക്കുറിച്ച് അന്വേഷിക്കാനുള്ള ഉത്തരവ് മാധ്യമങ്ങള്‍ക്കു നല്‍കിയെന്ന് ആരോപിച്ചാണു ജീവനക്കാര്‍ക്കെതിരെ സിന്‍ഡിക്കേറ്റ് നടപടിയെടുത്തത്.