തുറവൂര്‍: പള്ളിത്തോട് സെന്റ് സെബാസ്റ്റ്യന്‍സ് ഹൈസ്‌കൂളില്‍ നിന്ന് മൂന്ന് ലാപ്‌ടോപ്പുകള്‍ മോഷ്ടിച്ച കേസില്‍ മൂന്ന് കുട്ടികള്‍ പിടിയിലായി. പ്രായപൂര്‍ത്തിയാകാത്ത ആണ്‍കുട്ടികളാണ് പിടിയിലായത്.
കുത്തിയതോട് എസ്.ഐ പി.ജി മധുവിന്റെ നേതൃത്വത്തിലുള്ള പൊലിസ് സംഘമാണ് ഇവരെ ആലപ്പുഴ റെയില്‍വേ സ്റ്റേഷനില്‍ നിന്ന് പിടികൂടിയത്. കഴിഞ്ഞ മൂന്ന് ദിവസമായി വീട്ടില്‍ നിന്ന് കാണാതായ ഇവരെ സംശയത്തിന്റെ അടിസ്ഥാനത്തില്‍ ഫോണില്‍ വിളിച്ചപ്പോള്‍ കള്ളം പറഞ്ഞു. തുടര്‍ന്നു മൊബൈല്‍ ടവറുകള്‍ കേന്ദ്രീകരിച്ചുള്ള അന്വേഷണത്തിലാണ് പിടികൂടിയത്.