കൊയിലാണ്ടി:  ഓട്ടോറിക്ഷയും കാറും കൂട്ടിയിടിച്ച് ഓട്ടോ ഡ്രൈവര്‍ക്ക്  ഗുരുതരമായി പരുക്കേറ്റു.  മുടാടി പാറക്കല്‍ മഠത്തില്‍കണ്ടി രഞ്ജിത്തിനാണ്  പരുക്കേറ്റത്. ഇയാളെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. കഴിഞ്ഞ ദിവസം വൈകീട്ട് പാലക്കുളത്ത് വെച്ചാണ് അപകടം. കൊയിലാണ്ടിയില്‍ നിന്നും  മൂടാടി ഭാഗത്തേക്ക് പോകുകയായിരുന്ന ഓട്ടോയില്‍ വടകര ഭാഗത്ത് നിന്നുവന്ന സ്‌കോര്‍പിയോ കാര്‍  ഇടിക്കുകയായിരുന്നു. ഇടിയുടെ ആഘാതത്തില്‍ റോഡരികിലേക്ക് തെന്നി മറിഞ്ഞ ഓട്ടോയില്‍ നിന്ന്  നാട്ടുകാരാണ് രഞ്ജിത്തിനെ പുറത്തെടുത്തത്. റോഡിലെ കുഴിയാണ് അപകടം വരുത്തിയത്.