കോവളം: കോളിയൂര്‍ മര്യദാസ് കൊലപാതകത്തില്‍ കസ്റ്റഡിയില്‍ വാങ്ങിയ പ്രതികളെ ഇന്നു കോടതിയില്‍ ഹാജരാക്കും.
സംഭവത്തില്‍ പിടിയിലായ  വട്ടപ്പാറ സ്വദേശി കൊലുസു ബിനു, ചെന്നൈ വെല്ലൂര്‍ സ്വദേശി ചന്ദ്രന്‍ എന്നിവരെയാണ് കസ്റ്റഡി കാലാവധി അവസാനിച്ചതിനെ തുടര്‍ന്ന് കോടതിയില്‍ ഹാജരാക്കുന്നത്. 12 ദിവസം കസ്റ്റഡിയില്‍ ലഭിച്ച പ്രതികളെ രണ്ടണ്ടു സംഘങ്ങളായി തിരുനെല്‍വേലിയിലും വെല്ലൂരിലും തെളിവെടുപ്പിന് കൊണ്ടുപോയിരുന്നു. പ്രതികള്‍ മര്യദാസന്റെ ഭാര്യ ഷീജയുടെ കഴുത്തില്‍ നിന്നും മോഷ്ടിച്ച മൂന്നര പവന്റെ മാലയും തിരുനെല്‍വേലിയിലെ ഒരു ആഭരണ കടയില്‍ നിന്നും പൊലിസ് കണ്ടെടുത്തു.
എന്നാല്‍ തിരിച്ചറിയല്‍ പരേഡ് നടത്താനോ സാക്ഷിമൊഴി രേഖപ്പെടുത്താനോ ഇതുവരെപൊലിസിന് സാധിച്ചിട്ടില്ല.
കൊല്ലപ്പെട്ട മര്യദാസന്റെ ഭാര്യ ഷീജയാണ് സംഭവത്തിലെ ഏകസാക്ഷി.
ആക്രമണത്തില്‍ പരുക്കേറ്റ് ആശുപത്രിയില്‍ ചികിത്സയിലുള്ള ഷീജ അപകട നില തരണം ചെയ്യാത്തതാണ് മൊഴി രേഖപ്പെടുത്താന്‍ പൊലിസിന് തടസമായിരിക്കുന്നത്.