ന്യൂഡല്‍ഹി: രാജ്യത്ത് ഇന്ന് മൂന്നുമാസത്തിനിടെ ഏറ്റവും കുറഞ്ഞ പ്രതിദിന നിരക്ക്. കേന്ദ്ര ആരോഗ്യവകുപ്പ് പുറത്തുവിട്ട കണക്ക് പ്രകാരം കഴിഞ്ഞ 24 മണിക്കൂറിനിടെ 46,790 പേര്‍ക്കാണ് രോഗം സ്ഥിരീകരിച്ചത്. ഒരു ഘട്ടത്തില്‍ 90,000നും മുകളില്‍ പ്രതിദിന നിരക്ക് ഉയര്‍ന്നിരുന്നു.

587 മരണമാണ് 24 മണിക്കൂറിനിടെയുണ്ടായത്. ആകെ മരണം 1,15,197 ആയി.

ആകെ രോഗബാധിതരുടെ എണ്ണം 75,97,064 ആയി. നിലവില്‍ ചികിത്സയിലുള്ളവര്‍ 7,48,538 ആണ്. 67,33,329 പേര്‍ രോഗമുക്തി നേടി. ഇന്നലെ മാത്രം രോഗമുക്തി നേടിയത് 69,721 പേരാണ്.