മലപ്പുറം: പട്ടിക്കാട് പൂപ്പലം നൂരിയ്യ യതീംഖാന ഗോള്‍ഡന്‍ ജൂബിലി സമ്മേളനം ഇന്നും നാളെയുമായി നടക്കും. ഇന്നു  വൈകീട്ട് ഏഴിനു സമസ്ത ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. ഏലംകുളം ബാപ്പു മുസ്‌ലിയാര്‍ പ്രാര്‍ഥന നടത്തും. മുഹമ്മദ് അലി ഐ.എ.എസ് മുഖ്യാതിഥിയാകും.ഹസന്‍ അഷ്‌റഫി ബാഖവി  പ്രസംഗിക്കും.
നാളെ ഉച്ചക്ക് രണ്ടിനു വനിതാ സംഗമത്തില്‍ ജില്ലാ മെഡിക്കല്‍ ഓഫിസര്‍ ഡോ. കെ സക്കീന ക്ലാസെടുക്കും. നാലിനു ആരോഗ്യ സെമിനാര്‍ ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്യും.  
തുടര്‍ന്നു സാംസ്‌കാരിക സമ്മേളനം അഡ്വ. എന്‍ ശംസുദ്ദീന്‍ എം.എല്‍.എയും സുവനീര്‍ പ്രകാശനം മഞ്ഞളാംകുഴി അലി എം.എല്‍.എ എന്നിവര്‍  നിര്‍വഹിക്കും. ആലങ്കോട് ലീലാകൃഷ്ണന്‍ പ്രസംഗിക്കും.
വൈകീട്ട് ഏഴിനു പൊതുസമ്മേളനോദ്ഘാടനവും നിസ കോളജ് കെട്ടിടോദ്ഘാടനവും പാണക്കാട് സയ്യിദ് ഹൈദറലി ശിഹാബ് തങ്ങള്‍ നിര്‍വഹിക്കും. പ്രസിഡന്റ് സയ്യിദ് മുനവ്വറലി ശിഹാബ് തങ്ങള്‍ അധ്യക്ഷനാകും. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി.അബ്ദുല്ല മുസ്‌ലിയാര്‍ പ്രാര്‍ഥന നടത്തും.
സ്പീക്കര്‍ പി ശ്രീരാമകൃഷ്ണന്‍, സമസ്ത ജില്ലാ സെക്രട്ടറി പി കുഞ്ഞാണി മുസ്‌ലിയാര്‍, ഇ.ടി മുഹമ്മദ് ബഷീര്‍ എം.പി, പി.വി അബ്ദുല്‍ വഹാബ് എം.പി, അഡ്വ. എം ഉമര്‍ എം.എല്‍.എ, ടി.വി.എച്ച് യൂസുഫ്, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസമദ് പൂക്കോട്ടൂര്‍, ഡോ. എന്‍.എ.എം അബ്ദുല്‍ ഖാദര്‍, സിബ്ഹത്തുല്ല ഫൈസി സംസാരിക്കും. വാര്‍ത്താസമ്മേളത്തില്‍ ഹാജി കെ മമ്മദ് ഫൈസി, അഡ്വ. കെ.ടി.ഉമര്‍ പട്ടിക്കാട്, തോളൂര്‍ ഹസന്‍ ഹാജി, പി മൊയ്തുപ്പ, കെ ഹംസ പങ്കെടുത്തു.