തിരുവനന്തപുരം: കൊവിഡ് വ്യാപനത്തിന്റെ പശ്ചാത്തലത്തില്‍ സംസ്ഥാനത്ത് ഏര്‍പ്പെടുത്തിയിരുന്ന നിരോധനാജ്ഞ തുടരുന്നതില്‍ ഇനി തീരുമാനം ജില്ലാ കലക്ടര്‍ക്ക് എടുക്കാം. നിരോധനാജ്ഞ നാളെ തീരുന്ന സാഹചര്യത്തിലാണ് സര്‍ക്കാറിന്റെ പുതിയ തീരുമാനം. തിരുവനന്തപുരം ജില്ലയില്‍ 144 തുടരുകയാണ്. അതുകൊണ്ടുതന്നെ തലസ്ഥാന ജില്ലയിലെ കാര്യങ്ങള്‍ നാളെയെ തീരുമാനിക്കൂവെന്നാണ് ജില്ലാ കലക്ടര്‍ അറിയിച്ചിരിക്കുന്നത്.

അതേ സമയം എറണാകുളം, തൃശൂര്‍, മലപ്പുറം, പത്തനംതിട്ട, ആലപ്പുഴ ജില്ലകളിലും 15 ദിവസത്തേക്ക് കൂടി നിരോധനാജ്ഞ നീട്ടി. ജില്ലകളില്‍ കൊവിഡ് രോഗികള്‍ വര്‍ധിക്കുന്ന സാഹചര്യത്തിലാണ് ജില്ലാകലക്ടമാരുടെ നടപടി. നിലവില്‍ ഉള്ളതുപോലെ വിവാഹ ചടങ്ങുകളില്‍ 50 പേരെയും മരണാനന്തര ചടങ്ങുകളില്‍ 20പേരെയും മാത്രമേ അനുവദിക്കൂ. പൊതുസ്ഥലങ്ങളില്‍ അഞ്ചുപേരില്‍ കൂടുതല്‍ കൂട്ടം കൂടാന്‍ പാടില്ലെന്നും അധികൃതര്‍ അറിയിച്ചു.
നവംബര്‍ 15 വരെയാണ് ഇവിടെങ്ങളില്‍ നിരോധനാജ്ഞ തുടരുക.