കാഞ്ഞങ്ങാട്: മുഖ്യമന്ത്രി പിണറായി വിജയന്‍ ഏകാധിപതിയാണെന്നു പ്രതിപക്ഷ നേതാവ് രമേശ് ചെന്നിത്തല. കാഞ്ഞങ്ങാട് വ്യാപരഭാവനില്‍ യു.ഡി.എഫ് ജില്ലാ നേതൃയോഗത്തില്‍ പങ്കെടുക്കനെത്തിയതായിരുന്നു ചെന്നിത്തല.

ചാരക്കേസില്‍ നിലവില്‍ കോണ്‍ഗ്രസിനകത്ത് ഉണ്ടായിട്ടുള്ള വിവാദത്തില്‍ പ്രതികരിക്കാനില്ല.

മോദി ഭരണത്തെ തൂത്തെറിയാന്‍ കോണ്‍ഗ്രസിന് വോട്ട് ചെയ്യണം. രാജ്യത്ത് സുരക്ഷിതമായ ഭരണം നടത്താന്‍ കോണ്‍ഗ്രസിന് മാത്രമേ കഴിയൂ. കേരള മുഖ്യമന്ത്രി പിണറായി വിജയന്‍ ഏകാധിപതിയാണ്. മന്ത്രിമാരയെടക്കം ഈ ഏകാധിപതിയെ ഭയക്കുകയാണ്.

സ്വതന്ത്രമായി തീരുമാനമെടുക്കാന്‍ കേരളത്തിലെ മന്ത്രിമാര്‍ക്ക് കഴിയുന്നില്ലെന്നും അദ്ദേഹം കൂട്ടിച്ചേര്‍ത്തു.

പ്രളയം മനുഷ്യസൃഷ്ടി തന്നെയാണെന്ന മുന്‍ നിലപാട് തന്നെയാണ് ഇപ്പോഴും. കെ.പി.ഇ.ജി വെറുമൊരു ഓഡിറ്റിംങ് കമ്പനിയാണ്. പ്രളയശേഷം സഹായം ലഭിക്കുന്നത് അനര്‍ഹര്‍ക്കാണെന്നും ചെന്നിത്തല പറഞ്ഞു.

നോട്ട് നിരോധനവും, ഇന്ധന വിലവര്‍ദ്ധനവും, അഴിമതിയും, ജിഎസ്ടിയും വായ്പ്പാ തട്ടിപ്പും ഇന്ത്യയുടെ സമ്പദ് വ്യവസ്ഥയെ പാടേ തകര്‍ത്ത് കളഞ്ഞിരിക്കുകയാണ്. ഇനിയും മോഡിയെ അധികാരത്തില്‍ നിലനിര്‍ത്തിയാല്‍ രാജ്യം വന്‍ അപകടത്തിലേക്ക് പോകും. ബി.ജെ.പിയെ എതിര്‍ക്കാന്‍ കോണ്‍ഗ്രസിന് മാത്രമേ സാധിക്കുകയുള്ളൂ.

മുസ്‌ലിം ലീഗ് ജില്ലാ പ്രസിഡണ്ട് എം സി ഖമറുദ്ദീന്‍ അധ്യക്ഷനായി. കെ.എം ഷാജി എം.എല്‍.എ, മുന്‍മന്ത്രി അനൂപ് ജേക്കബ്, സി.പി ജോണ്‍, കെ.പി കുഞ്ഞിക്കണ്ണന്‍, സതീശന്‍ പാച്ചേനി, അഡ്വ. രാം മോഹന്‍, പി.ബി അബ്ദുര്‍ റസാഖ് എം.എല്‍.എ, സി.ടി അഹമ്മദലി, ഹക്കീം കുന്നില്‍, ഏ.ജി.സി ബഷീര്‍, എ. അബ്ദുര്‍ റഹ്മാന്‍, കെ. നീലകണ്ഠന്‍, കുര്യാക്കോസ് പ്ലാപറമ്പ്, വിജയന്‍ കരിവെളളൂര്‍, അബ്രഹാം തോണിക്കര സംസാരിച്ചു.