തലശ്ശേരി: തലശ്ശേരിയില്‍ നേരിയ ഭൂചലനം അനുഭവപ്പെട്ടു. ഇന്നലെ രാവിലെ പതിനൊന്നരയോടെയായിരുന്നു സംഭവം. ഏതാണ്ട് 15 സെക്കന്‍ഡ് ഭൂചലനം നീണ്ടുനിന്നു. തലശ്ശേരി നഗരത്തിലെ ബഹുനില കെട്ടിടങ്ങളില്‍ ജോലി ചെയ്യുന്നവര്‍ക്കും വിവിധ ആവശ്യങ്ങള്‍ക്കായി കെട്ടിടങ്ങളില്‍ ഉണ്ടായിരുന്നവര്‍ക്കും ഭൂചലനം അനുഭവപ്പെട്ടു. മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന സര്‍ക്കാര്‍ ഓഫിസുകളിലെ ജീവനക്കാരും ഭൂചലനം അനുഭവപ്പെട്ടതായി പറഞ്ഞു. സംഭവത്തെക്കുറിച്ച് സമഗ്രമായ പ0നം വേണമെന്ന ആവശ്യവും ഉയര്‍ന്നിട്ടുണ്ട്.