അലിഗഡ്: ഇന്ന് പുലര്‍ച്ചെ ഉത്തര്‍പ്രദേശ് പൊലിസ് രണ്ടു പേരെ വെടിവച്ചു കൊന്നു. ഏറ്റുമുട്ടല്‍ കൊല നേരിട്ടു കാണാന്‍ മാധ്യമപ്രവര്‍ത്തകരേയും പൊലിസ് ക്ഷണിച്ചിരുന്നു. മുസ്തക്കിം, നൗഷാദ് എന്നിവരാണ് കൊല്ലപ്പെട്ടത്.

പൊലിസ് തോക്കു കൊണ്ട് ഉന്നം വെക്കുന്നതും ഉടന്‍ തന്നെ വെടിവെക്കുന്നതുമായ ദൃശ്യങ്ങള്‍ പുറത്തു വന്നിട്ടുണ്ട്. സംഭവം പൊലിസ് വിശദീകരിക്കുന്നതിങ്ങനെ. ബൈക്കില്‍ പോവുകയായിരുന്ന യുവാക്കളെ പൊലിസ് തടയാന്‍ ശ്രമിച്ചു. അപ്പോള്‍ പൊലിസിനു നേരെ വെച്ചു. പിന്നീട് പൊലിസ് ഇവരെ പിന്തുടര്‍ന്നു. ഇവര്‍ ഒളിച്ച കെട്ടിടം കണ്ടെത്തി. അവിടെ നിന്നും അവര്‍ പൊലിസിനു നേരെ വെടിയുതിര്‍ത്തിരുന്നു. തുടര്‍ന്ന് പൊലിസ് വെടിവെക്കുകയായിരുന്നു.

കൊല്ലപ്പെട്ട രണ്ടു പേര്‍ക്കായി കുറേ നാളായ തെരച്ചില്‍ നടത്തുകയായിരുന്നുവെന്നാണ് പൊലിസ് പറയുന്നത്. കഴിഞ്ഞ മാസം സംസ്ഥാനത്ത് നടന്ന കൊലപാതകങ്ങളിലെ പ്രതികളാണിവരെന്നും പൊലിസ് പറയുന്നു.

കഴിഞ്ഞമാസം നടന്ന കൊലപാതകങ്ങളുമായി ബന്ധപ്പെട്ട് അഞ്ച് മുസ്‌ലിം യുവാക്കളെ പൊലിസ് ഇന്നലെ അറസ്റ്റ് ചെയ്തിരുന്നു.