നാദാപുരം: തെരുവമ്പറമ്പ് റിവര്‍ ഫ്‌ളഡ്‌ലിറ്റ് സ്റ്റേഡിയത്തില്‍ നടന്ന സോഫ്റ്റ്‌ബോള്‍ വണ്‍ഡേ ക്രിക്കറ്റ് ടൂര്‍ണമെന്റില്‍ കോവിലകം കല്ലാച്ചിയെ പരാജയപ്പെടുത്തി ടാസ്‌ക് തെരുവമ്പറമ്പ് ജേതാക്കളായി. രാത്രി 7.30ന് ആരംഭിച്ച മത്സരങ്ങള്‍ അടുത്തദിവസം രാവിലെ 12നാണ് സമാപിച്ചത്.  
 കെ.കെ.സി ജാഫര്‍ ഉദ്ഘാടനം ചെയ്തു. പി. ജിഹാദ് അധ്യക്ഷനായി. നിസാര്‍ എടത്തില്‍, ഇ. കുഞ്ഞാലി, വി.എന്‍ നൗഫല്‍, ഇ. തസ്‌നീം, കെ.എം റിയാസ്, വി.കെ ജാഫര്‍, കെ. ഫുആദ്, ടി.എം റിയാസ് പ്രസംഗിച്ചു. വിജയികള്‍ക്കുള്ള പി.എം അനസ് മൊഹ്ദീന്‍ ട്രോഫി ടാസ്‌ക് ഗവേണിങ് ബോര്‍ഡ് ചെയര്‍മാന്‍ ഹാരിസ് ഈന്തുള്ളതില്‍ സമ്മാനിച്ചു. സമാപന ചടങ്ങില്‍ കെ. റബീഹ്അലി, വി.കെ ജമല്‍ ഹാജി, കെ സാലിഹ്, വി.വി ഷഫീക്, കെ. ഇസ്മായില്‍, കെ.പി ആഷിഫ്, കെ ഷബീര്‍ സംസാരിച്ചു.