അമൃത്‌സര്‍: പഞ്ചാബിലെ അമൃത്‌സറിലെ ചാംരാങ് റോഡിലെ ചേരിയില്‍ വന്‍ തീപിടിത്തം. സംസ്ഥാനത്തെ ഞെട്ടിച്ച തീപിടിത്തത്തില്‍ 100ലധികം കുടിലുകള്‍ പൂര്‍ണമായും കത്തിയമര്‍ന്നു.
10ലധികം അഗ്നിശമന യൂനിറ്റുകള്‍ മണിക്കൂറുകള്‍ നടത്തിയ കഠിനാധ്വാനത്തിനൊടുവിലാണ് തീയണക്കാനായത്.
ഒന്നും ബാക്കിയാകാതെ ചേരിയിലെ താമസക്കാരുടെ വസ്തുവകകളെല്ലാം അഗ്നിക്കിരയായി. നിരവധി കുടുംബങ്ങള്‍ക്ക് തങ്ങളുടെ താമസ സ്ഥലം നഷ്ടമായെങ്കിലും ആര്‍ക്കും സംഭവത്തില്‍ പരുക്കേറ്റതായി റിപ്പോര്‍ട്ടില്ല.
അഗ്നിശമന യൂനിറ്റുകള്‍ക്കൊപ്പം പൊലിസും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്. തീപിടിത്തത്തിന് കാരണമെന്തെന്ന് വ്യക്തമായിട്ടില്ല.