ന്യൂഡല്‍ഹി: പാകിസ്താനെതിരേ വീണ്ടും മിന്നലാക്രമണം നടത്തുമെന്ന് സൂചന നല്‍കി കേന്ദ്ര മന്ത്രി. വടക്കുകിഴക്കന്‍ സംസ്ഥാനങ്ങളുടെ വികസന ചുമതലയുള്ള കേന്ദ്ര സഹമന്ത്രി ജിതേന്ദ്ര സിങ്ങാണ് ഒരു ദേശീയ മാധ്യമം നടത്തിയ പരിപാടിയില്‍ പുതിയ വെളിപ്പെടുത്തലുകള്‍ നടത്തിയത്.
ഭീകരവാദവും അതിര്‍ത്തിവഴിയുള്ള പാകിസ്താന്റെ അതിക്രമവും തടയാന്‍ കൂടുതല്‍ ശക്തമായ നടപടികള്‍ സര്‍ക്കാരിന്റെ ഭാഗത്തുനിന്നുണ്ടാകും.
മിന്നലാക്രമണത്തെ കുറിച്ച് നേരത്തെ മാധ്യമങ്ങളോട് വെളിപ്പെടുത്തിയിരുന്നില്ലല്ലോ.
ആക്രമണം നടന്ന ശേഷമാണ് ഇക്കാര്യം എല്ലാവരും അറിഞ്ഞത്. സര്‍ക്കാരിന്റെ പുതിയ ദൗത്യവും ഇപ്പോള്‍ വെളിപ്പെടുത്താനാകില്ലെന്ന് മന്ത്രി വ്യക്തമാക്കി.