വേങ്ങര: സ്‌കൂളിലെത്തുന്ന വിദ്യാര്‍ഥികള്‍ക്ക് പാഠപുസ്തകങ്ങള്‍ക്കപ്പുറത്ത് നീന്തല്‍ പരിശീലനത്തിനും അവസരമൊരുക്കി സ്‌കൂള്‍ അധികൃതര്‍. എ.ആര്‍ നഗര്‍ പുതിയത്ത്പുറായ എ.എ.എച്ച്.എം.എല്‍.പി സ്‌കൂള്‍ അധികൃതരാണ് വിദ്യാര്‍ഥികള്‍ക്കായി സ്‌കൂളിനടുത്തുള്ള അരീക്കാട്ട് പള്ളിക്കുളത്തില്‍ നീന്തല്‍ പരിശീലനത്തിന് തുടക്കമിട്ടത്. പദ്ധതി ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. പദ്ധതി ആവിഷ്‌കരിച്ച സ്‌കൂള്‍ അധികൃതരെ അദ്ദേഹം അഭിനന്ദിച്ചു.
പി.ടി.എ പ്രസിഡന്റ് സി. ഹസനലി അധ്യക്ഷനായി. എ.ആര്‍ നഗര്‍ പഞ്ചായത്ത് പ്രസിഡന്റ് കുപ്പേരി സുബൈദ, സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എന്‍.വി നഫീസ, അംഗങ്ങളായ പി. അനിത, മാട്ടറ കമ്മുണ്ണി ഹാജി, സ്‌കൂള്‍ മാനേജര്‍ ഡോ. എ. മൊയ്തീന്‍ കുട്ടി, പ്രധാനാധ്യാപകന്‍ കെ.ടി കമ്മു, പി.ടി.എ ഭാരവാഹികളായ എ.പി മജീദ്, എം.സി അസീസ്, സമീദ് മോന്‍, പൂര്‍വ വിദ്യാര്‍ഥി പ്രതിനിധികളായ എ.പി കുഞ്ഞാലിഹാജി, എ. ഇദ്‌രീസ്, സി. സക്കീര്‍, അധ്യാപകരായ കെ. അബ്ദുല്‍ മജീദ്, പി. ഉമ്മര്‍ഫാറൂഖ്, സഫ്‌വാന്‍, വിപിന്‍, പദ്ധതി കണ്‍വീനര്‍ എം.പി അബ്ദുല്‍ അസീസ് സംസാരിച്ചു.