കണ്ണൂര്‍: കണ്ണൂര്‍ നിവാസികളുടെ കൂട്ടായ്മയായ ഫ്രണ്ട്‌സ് ഓഫ് കണ്ണൂര്‍ കുവൈറ്റ് എക്പാറ്റ്‌സ് അസോസിയേഷന്‍ നല്‍കുന്ന ഫോക്ക് ഗോള്‍ഡന്‍ അവാര്‍ഡ് ജെമിനി ശങ്കരന്. 25,000 രൂപയും കെ.കെ.ആര്‍ വെങ്ങര രൂപകല്‍പന ചെയ്ത ശില്‍പവും പ്രശസ്തി പത്രവുമടങ്ങുന്നതാണ് അവാര്‍ഡ്.
കെ.കെ.ആര്‍ വെങ്ങര, കെ.കെ മാരാര്‍, ദിനകരന്‍ കൊമ്പിലത്ത് എന്നിവരടങ്ങിയ ജൂറിയാണ് അവാര്‍ഡ് ജേതാവിനെ തെരഞ്ഞെടുത്തത്. അസോസിയേഷന്റെ 13-ാമത് വാര്‍ഷികാഘോഷം നവംബര്‍ 16ന് കുവൈറ്റില്‍ സംഘടിപ്പിക്കുമെന്ന് കെ.കെ.ആര്‍ വെങ്ങര, ചന്ദ്രമോഹന്‍ കണ്ണൂര്‍, ഐ.വി ദിനേശ്, ദിനകരന്‍ കൊമ്പിലാത്ത്, ബിജു ആന്റണി എന്നിവര്‍ വാര്‍ത്താസമ്മേളനത്തില്‍ അറിയിച്ചു.