മാവൂര്‍: മാവൂരില്‍ നടന്ന റെയ്ഞ്ച് ജംഇയ്യത്തുല്‍ മുഅല്ലിമീന്‍ 45ാം വാര്‍ഷിക സമാപന സമ്മേളനം സമസ്ത മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. സ്വാഗതസ്വംഘം ചെയര്‍മാന്‍ കെ. മുഹമ്മദ് ബാഖവി അധ്യക്ഷനായി. സത്താര്‍ പന്തല്ലൂര്‍ മുഖ്യപ്രഭാഷണം നടത്തി.
ദീര്‍ഘകാലം റെയ്ഞ്ച് പരിധിയിലെ മദ്‌റസകളില്‍ സേവനം ചെയ്ത മദ്‌റസാധ്യാപകരെ എ.വി അബ്ദുറഹ്മാന്‍ മുസ്‌ലിയാര്‍ ആദരിച്ചു. സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ മെമെന്റോ സമര്‍പ്പിച്ചു. രണ്ട് മദ്‌റസാധ്യാപകര്‍ക്ക് വീട് നിര്‍മാണത്തിനുള്ള   ധനസഹായം ചിറ്റടി അഹമ്മദ് കുട്ടി ഹാജിയും റമദാന്‍ കിറ്റ് വിതരണം എന്‍.പി അഹമ്മദ് ഹാജിയും വിദ്യാഭ്യാസ അവാര്‍ഡ് വിതരണം ടി.പി ചെറൂപ്പയും നിര്‍വഹിച്ചു. കെ.സി മുഹമ്മദ് ഫൈസി, ആര്‍.വി കുട്ടിഹസ്സന്‍ ദാരിമി, ഒ.പി അഷ്‌റഫ് മൗലവി, കെ. മൂസ മൗലവി സംസാരിച്ചു. കെ.കെ കോയ മുസ്‌ലിയാര്‍, അബ്ബാസ് റഹ്മാനി സംബന്ധിച്ചു. ജന.സെക്രട്ടറി കെ.എ റഷീദ് ഫൈസി സ്വാഗതവും അഹമ്മദ് കുട്ടി അരയങ്കോട് നന്ദിയും പറഞ്ഞു.