മട്ടന്നൂര്‍: മട്ടന്നൂരില്‍ പടര്‍ന്നു പിടിച്ച ഡെങ്കിപ്പനി ആശങ്ക വര്‍ധിക്കുന്നു. ഇന്നലെ അഞ്ചും ഞായറാഴ്ച നാലുപേരുമാണ് ചികിത്സ തേടിയത്. ഒരാഴ്ചയായി ഇടവെട്ടു പെയ്ത മഴ സ്ഥിതി അതീവ ഗുരുതരമാക്കുമെന്നാണ് ആരോഗ്യ വകുപ്പിന്റെ വിലയിരുത്തല്‍. ആരോഗ്യ വകുപ്പിന്റെ നേതൃത്വത്തില്‍ സ്‌ക്വാഡ് പ്രവര്‍ത്തനവും നഗരസഭയുടെ ഡ്രൈഡേ ആചരിക്കലും പ്രഹസനം മാത്രമായി മാറിയെന്നും ആക്ഷേപമുണ്ട്. ഒരു മാസത്തിലധികമായി മട്ടന്നൂര്‍ ഡെങ്കിയുടെ പിടിയിലാണ്. ഡെങ്കിപ്പനി നിയന്ത്രിക്കാന്‍ അടിയന്തര നടപടികള്‍ സ്വീകരിച്ചതായി ആരോഗ്യവകുപ്പ് പറയുന്നുണ്ടെങ്കിലും രോഗികളുടെ എണ്ണത്തിലെ ക്രമാധീതമായ വര്‍ധന ആശങ്കയുളവാക്കുന്നതാണ്.