പൊഴുതന: രാത്രി കാലങ്ങളില്‍ വീടുകളുടെ വാതിലില്‍ മുട്ടുന്ന സംഘം വിലസുന്നതായി പരാതി.
ഒരാഴ്ച്ചക്കിടെ പ്രദേശത്തെ നിരവധി വീടുകളിലാണ് അജ്ഞാത സംഘം രാത്രികാലങ്ങളില്‍ എത്തിയത്. സ്ത്രീകള്‍ മാത്രം താമസിക്കുന്ന വീടുകളിലാണ് അജ്ഞാതര്‍ വാതിലില്‍ മുട്ടുന്നത്. ഉറക്കം നഷ്ടപെട്ട പ്രദേശവാസികള്‍ രാത്രിയില്‍ അജ്ഞാതനെ പിടിക്കാന്‍ കാവലിരിക്കുകയാണ്. പൊഴുതന നാരങ്ങാകുന്ന്, ആനോത്ത്, മീന്‍ചാല്‍ തുടങ്ങിയ പ്രധേശങ്ങളിലാണ് രാത്രി കാലങ്ങില്‍ വീടുകളിലെ വാതിലില്‍ മുട്ടി മാറികളയുന്ന സംഭവം നടക്കുന്നത്. വാതിലില്‍ മുട്ടുന്ന ശബ്ദം കേട്ട് വാതില്‍ തുറന്ന് നോക്കിയാല്‍ ആളെ കാണില്ല. ഇതോടെ കഴിഞ്ഞ ഒരു ആഴ്ച്ചയായി ആളുകളുടെ ഉറക്കം നഷ്ടപെട്ടു. വാതിലില്‍ മുട്ടുകയും ജനല്‍ വലിച്ചു തുറക്കുകയും ചെയ്യുകയാണ് സ്ത്രീകള്‍ മാത്രം താമസിക്കുന്ന വീടുകളിലാണ് ഇത്തരം അനുഭവമുണ്ടായത്. വീട്ടുകാര്‍ ഒച്ചവെച്ച് ആളുകള്‍ കൂടുമ്പോഴേക്കും ഇയാള്‍ ഓടി രക്ഷപ്പെടുകയും ചെയ്യും ഇപ്പോള്‍ ഒരാഴ്ചയോളമായി നിരന്തരം ഇത് സംഭവം നടക്കുന്നുണ്ടെന്ന് പ്രദേശവാസികള്‍ പറയുന്നു.