പനമരം: വില്‍പനയ്ക്കായി കഞ്ചാവ് സൂക്ഷിച്ച കേസില്‍ ആറു പേര്‍ പൊലിസ് പിടിയില്‍.
തൃശ്ശൂര്‍ ആശാരിക്കോട് തെക്കെയില്‍ ടി.ജെ ഷിജോ (24), മാനന്തവാടി പായോട് കാലായില്‍ സിജോ തോമസ് (28), വരദുര്‍ പറേക്കാട്ടില്‍ സതീശന്‍ (48), തൃശ്ശൂര്‍ കുണ്ട്കടവ് പനിയത്ത് വിജയകുമാര്‍ എസ് മേനോന്‍ (43), തൃശ്ശൂര്‍ ചിറ്റശ്ശേരി കൈമപറമ്പില്‍ സലിഷ് (30), തൃശ്ശൂര്‍ മുപ്ലിയം പനിയത്ത് വിനേഷ് കുമാര്‍ (38) എന്നിവരാണ് പിടിയിലായത്. കാറില്‍ വില്‍പനയ്ക്കു കൊണ്ടുവരികയായിരുന്ന കഞ്ചാവുമായി ഷിജോയാണ് ആദ്യം പിടിയിലായത്. ഇയാളില്‍നിന്നു ലഭിച്ച വിവരത്തിന്റെ അടിസ്ഥാനത്തിലാണ് മറ്റുള്ളവരെ വരദൂരിലെ വാടക ക്വാര്‍ട്ടേഴ്‌സില്‍ നിന്ന് കഞ്ചാവ് സഹിതം അറസ്റ്റ് ചെയ്തത്. രഹസ്യവിവരത്തെ തുടര്‍ന്ന് ജില്ലാ പൊലിസ് മേധാവിയുടെ ആന്റി നര്‍ക്കോട്ടിക്‌സ് സ്‌കോഡും , പനമരം എസ്.ഐ രാംകുമാറും സംഘവും സംയുക്തമായി നടത്തിയ പരിശോധയിലാണ് വ്യാഴാഴ്ച രാത്രിയോടെ കഞ്ചാവ് വില്‍പന സംഘത്തെ പിടികൂടിയത്.