അമൃത്‌സര്‍: കോമാളിത്തം കാണിക്കുന്നുവെന്ന തനിക്കെതിരായി ശിരോമണി അകാലി ദള്‍ അധ്യക്ഷന്‍ സുഖ്ബീര്‍ സിംഗ് ബാദലിന്റെ പരിഹാസത്തിന് മറുപടിയുമായി പഞ്ചാബ് മുഖ്യമന്ത്രി അമരീന്ദര്‍ സിംഗ്. കോമാലിയാണെങ്കിലും ബാദലിനെ പോലെ ചതിയനോ നട്ടെല്ലില്ലാത്തവനോ അല്ല താനെന്ന് അമരീന്ദര്‍ തുറന്നടിച്ചു.

കര്‍ഷകരെ ഒറ്റുകൊടുത്ത ആളാണ് ബാദലെന്നും കര്‍ഷകര്‍ക്ക് നേരെ തങ്ങള്‍ നടത്തിയ ചതി മറച്ചുവെക്കാനുള്ള പരിഭ്രാന്തിയിലാണ് ബാദലെന്നും അമരീന്ദര്‍ സിംഗ് ആരോപിച്ചു.

അമരീന്ദര്‍ സിംഗ് കോമാളിത്തമാണ് കാണിച്ചുകൂട്ടുന്നതെന്നായിരുന്നു സുഖ്ബീര്‍ സിംഗിന്റെ പ്രസ്താവന.
കര്‍ഷകരുടെ വിഷയത്തില്‍ അമരീന്ദര്‍ സിംഗ് ബി.ജെ.പിക്ക് കീഴടങ്ങിയതായും തന്റെ ഭീരുത്വവും പരിഭ്രാന്തിയും മറച്ചുവെക്കാനാണുള്ള കാട്ടിക്കൂട്ടലുകളാണ് അമരീന്ദര്‍ നടത്തുന്നതെന്നും സുഖ്ബീര്‍ സിംഗ് ബാദല്‍ ആരോപിച്ചു.