ന്യൂഡല്‍ഹി: പ്രളയത്തില്‍ തകര്‍ന്ന കേരളത്തിന്റെ പുനര്‍നിര്‍മാണത്തിന് സഹായം വാഗ്ദാനം ചെയ്ത നെതര്‍ലാന്റിനോട് സഹായം തേടി കേന്ദ്രസര്‍ക്കാര്‍. ഇന്ത്യന്‍ അംബാസഡര്‍ വേണു രാജാമണിയാണ് സഹായം തേടി നെതര്‍ലന്റ്‌സിന് കത്തയച്ചത്.

നെതര്‍ലാന്റിനോട് നേരത്തെ സഹായം തേടാന്‍ കേന്ദ്രസര്‍ക്കാര്‍ അനുമതി കേരളത്തിന് നല്‍കിയിരുന്നു. സാങ്കേതിക സാഹയത്തിനാണ് അനുമതി. എന്നാല്‍, ഇപ്പോള്‍ കേന്ദ്രസര്‍ക്കാര്‍ നേരിട്ട് സഹായം തേടുകയാണ് ചെയ്തത്. തുടര്‍നടപടിക്ക് സമയം വേണമെന്ന് നെതര്‍ലാന്റ് അഭ്യാര്‍ഥിച്ചു.