ചെറുതുരുത്തി: ഭാരതത്തിന്റെ പൈതൃക പ്രതീകമായ ആയുര്‍വ്വേദത്തെ വരും തലമുറക്ക് വേണ്ടി കാത്ത് സംരക്ഷിക്കാനുള്ള ബാധ്യത സമൂഹത്തിനുണ്ടെന്ന് കേന്ദ്ര ആയുഷ് മന്ത്രി ശ്രീ പദ് യശോ നായിക് പറഞ്ഞു. ഒരു കുഞ്ഞ് ജനിക്കുമ്പോള്‍ ഒരു ഔഷധചെടി നട്ട് പിടിപ്പിക്കുക എന്നത് നമ്മുടെ സംസ്‌കാരത്തിന്റെ ഭാഗമാക്കണം. കേരളം ആയുര്‍വ്വേദത്തിന്റെ ഭൂമിയും, ഭാരതം അതിന്റെ പ്രതീകവുമാണെന്നും മന്ത്രി കൂട്ടി ചേര്‍ത്തു. കേരളം ലോകത്തിന് സമ്മാനിക്കുന്ന സുപ്രസിദ്ധമായ ആയുര്‍വ്വേദ സ്ഥാപനം ചെറുതുരുത്തി പഞ്ചകര്‍മ്മ ആയുര്‍വ്വേദ റിസേര്‍ച്ച് ഇന്‍സ്റ്റിറ്റ്യൂട്ട് കേന്ദ്ര സര്‍ക്കാര്‍ ഏറ്റെടുത്ത്. നാഷ്ണല്‍ ആയുര്‍വ്വേദ റിസേര്‍ച്ച് ഇന്‍സ്റ്റിറ്റുട്ട് ഫോര്‍ പഞ്ചകര്‍മ്മയാക്കി മാറ്റിയതിന്റെ ഉദ്ഘാടനം നിര്‍വ്വഹിച്ചുകൊണ്ട് സംസാരിയ്ക്കുകയായിരുന്നു ശ്രീ പദ്‌യ ശോനായിക് . പി.കെ ബിജു എം.പി അധ്യക്ഷനായി. സംസ്ഥാന ആരോഗ്യ വകുപ്പ് മ ന്ത്രി കെ.കെ ശൈലജ മുഖ്യാതിഥിയായി പങ്കെടുത്തു.
യു.ആര്‍ പ്രദീപ് എം.എല്‍.എ ആരോഗ്യ സര്‍വ്വകലാശാല വൈസ് ചാന്‍സലര്‍ ഡോ. എം.കെ സി നായര്‍, പി.എന്‍ രഞ്ജിത് കുമാര്‍ എന്നിവര്‍ പ്രസംഗിച്ചു. പൂര്‍ണ്ണമായി കേന്ദ്ര സര്‍ക്കാര്‍ ഏറ്റെടുത്തതോടെ വലിയ വികസന മുന്നേറ്റമാണ് സ്ഥാപനത്തിന് കൈവരുന്നത്. നിലവില്‍ 68 കിടക്കകളുള്ള ആശുപത്രിയില്‍ പുതിയ 65 കിടക്കകള്‍ കൂടി എത്തും. പത്ത് പി.ജി. സീറ്റുകളും, അത്ര തന്നെ പി.എച്ച്.ഡി സീറ്റുകളും ലഭിക്കും