മനാമ: പ്രവാസി മലയാളി ഹൃദയാഘാതത്തെ തുടർന്ന് ബഹ്റൈനില്‍ മരണപ്പെട്ടു. കണ്ണൂർ ജില്ലയിലെ  പിണറായി -അഴിയൂര്‍ സ്വദേശി ഇസ്മായിൽ (46) ആണ് മരിച്ചത്.  ടുബ്ലിയിലെ ജോലി സ്ഥലത്ത് വെച്ചുണ്ടായ ഹൃദയാഘാതത്തെ ടത്തെ തുടര്‍ന്ന് മരിച്ചത്. 17 വര്‍ഷമായി ബഹ്റൈനിലുള്ള ഇസ്മാഈല്‍ ഇവിടെ റെസ്റ്റോറന്‍റ് ജീവനക്കാരനായിരുന്നു. സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ലെന്ന് ബഹ്റൈനില്‍ തന്നെയുള്ള ഇസ്മാഈലിന്‍റെ ബന്ധു ഇന്‍സാഫ് ഇവിടെ സുപ്രഭാതത്തോട് പറഞ്ഞു. 

 

  ഇപ്പോള്‍ സല്‍മാനിയ മോര്‍ച്ചറിയില്‍ സൂക്ഷിച്ചിട്ടുള്ള മൃതദേഹം  നടപടികള്‍ പൂര്‍ത്തിയാക്കി ശനിയാഴ്ച നാട്ടിലേക്ക് കൊണ്ടുപോകും. സാമൂഹ്യ പ്രവര്‍ത്തകന്‍ സലാം മമ്പാട്ടുമൂലയുടെ നേതൃത്വത്തിലുള്ള  കെ.എം.സി.സി മയ്യത്ത് പരിപാലന സംഘം ഇതിനായുള്ള ശ്രമങ്ങള്‍ ആരംഭിച്ചതായി ബന്ധപ്പെട്ടവര്‍ അറിയിച്ചു. ഭാര്യ-റസീന, മക്കള്‍-ഇര്‍ഫാദ്, ഫാത്തിമ, അനു.