ന്യൂഡല്‍ഹി: ബൈക്ക് യാത്രികയുടെ മര്‍ദനമേറ്റ് വനിതാ എസ്.ഐ കുഴഞ്ഞുവീണു. ഡല്‍ഹിയിലാണ് സോനം(26) എന്ന യുവതിയുടെ ആക്രമണം ഉണ്ടായത്. പ്രവീണ്‍ എന്ന സുഹൃത്തിനൊപ്പം ഹെല്‍മറ്റില്ലാതെ യാത്ര ചെയ്ത ഇവരെ പൊലിസ് പിടികൂടിയതോടെയാണ് ഇവരുടെ പരാക്രമം തുടങ്ങിയത്.
ലൈസന്‍സ് ആവശ്യപ്പെട്ടെങ്കിലും ഇത് കാണിക്കാന്‍ തയാറാകാതെ പൊലിസിനു നേരെ ഇരുവരും തിരിയുകയും യുവാവ് പൊലിസുകാരെ കൈയേറ്റം ചെയ്യാന്‍ ശ്രമിക്കുകയും ചെയ്തു .
 ഇതിനിടയില്‍ വനിതാ പൊലിസിന്റെ സഹായമഭ്യര്‍ഥിച്ചതിനെത്തുടര്‍ന്ന് സ്ഥലത്തെത്തിയ വനിതാ സബ് ഇന്‍സ്‌പെക്ടറെ യുവതി കാലുകൊണ്ട് അടിവയറിന് തൊഴിച്ചതോടെ ഇവര്‍ കുഴഞ്ഞു വീണു. ഉടന്‍തന്നെ സബ് ഇന്‍സ്‌പെക്ടറെ ആശുപത്രിയിലേക്ക് മറ്റി. ഇതിനുശേഷം ഇവരെ കൈകാണിച്ച് നിര്‍ത്തിച്ച ട്രാഫിക് പൊലിസിന്റെ യൂണിഫോമും യുവതി വലിച്ചുകീറി. തുടര്‍ന്ന് കൂടുതല്‍ പൊലിസെത്തി ഇരുവരെയും കീഴടക്കി സ്റ്റേഷനിലേക്ക് മാറ്റി. ഇവരെ കോടതി  റിമാന്‍ഡ് ചെയ്തു.