ജിദ്ദ : മുന്‍ ജിദ്ദ കോണ്‍സുല്‍ ജനറല്‍ ജോര്‍ജ് ജോസഫ് നിര്യാതനായി. 1994-1996 കാലഘട്ടത്തില്‍ ആണ് മലയാളികളുടെ ഈ പ്രിയ സി.ജി ജിദ്ദയില്‍ സേവനം അനുഷ്ഠിച്ചത്.
ഒരു കാലത്തു മലയാളികള്‍ക്ക് അന്യമായിരുന്ന കോണ്‍സുലേറ്റ് തുറന്നു കൊടുത്ത് കോണ്‍സുലേറ്റിനെ ജനകീയമാക്കിയ വ്യക്തിയായിരുന്നു ജോര്‍ജ് ജോസഫ്. 1976 ലെ ഐ.എഫ്.എസ് ബാച്ച് ആയ ഇദ്ദേഹം തുര്‍ക്‌മെനിസ്ഥാന്‍, ഖത്തര്‍, ബഹ്‌റൈന്‍, ലെബനോന്‍ എന്നിവിടങ്ങളില്‍ അംബാസഡര്‍ ആയും ജിദ്ദ, ദുബായ് എന്നിവിടങ്ങളില്‍ കോണ്‍സുല്‍ ജനറല്‍ (സി.ജി) ആയും പ്രവര്‍ത്തിച്ചിട്ടുണ്ട്.

2010ല്‍ സര്‍വീസില്‍ നിന്നും വിരമിച്ചു. ഭാര്യ റാണി.ഏക മകള്‍ രേണു (ദുബായ്).കോട്ടയം പൂഞ്ഞാര്‍ നെടുക്കുന്നം സ്വദേശിയാണ്.മൃതദേഹം ശനിയാഴ്ച നാട്ടില്‍ കൊണ്ട് വന്നു സംസ്‌കരിക്കും.