നിലമ്പൂര്‍: രാഷ്ട്ര ശില്‍പികള്‍ സ്വപ്നം കണ്ട രാജ്യത്തെ മതേതരത്വം അപകടത്തിലേക്ക് നീങ്ങുന്നതിന്റെ സൂചനകള്‍ കണ്ടു തുടങ്ങിയിട്ടുണ്ടെന്നും, ഇത് ഭയപ്പെടേണ്ടതാണെന്നും പാണക്കാട് സയ്യിദ് അബ്ബാസലി ശിഹാബ് തങ്ങള്‍ പറഞ്ഞു. നിലമ്പൂര്‍ മര്‍കസ് ഖറാബ സംഗമം ഉദ്ഘാടനം ചെയ്യുകയായിരുന്നു അദ്ദേഹം.
മര്‍കസ് കമ്പ്യൂട്ടര്‍ ലാബ് ഉദ്ഘാടനം പി.വി അബ്ദുല്‍ വഹാബ് എം.പിയും, ലൈബ്രറി, റീഡിങ് റൂം ഉദ്ഘാടനം പി.വി അന്‍വര്‍ എം.എല്‍.എയും നിര്‍വഹിച്ചു. മര്‍കസ് ജന. സെക്രട്ടറി പുത്തനഴി മൊയ്തീന്‍ ഫൈസി അധ്യക്ഷനായി. ചന്തക്കുന്ന് വലിയപള്ളി ഇമാം അലി ഫൈസി പാവണ്ണയുടെ നേതൃത്വത്തില്‍ മര്‍കസ് വാഖിഫ് ഹാജി കെ മൊയ്തുപ്പു മൗലവിയുടെ മഖ്ബറ സിയാറത്തോടെയാണ് സംഗമത്തിന് തുടക്കം കുറിച്ചത്. മര്‍കസ് ഖറാബ ചെയര്‍മാന്‍ ഹംസ മുസ്‌ലിയാര്‍ വല്ലപ്പുഴ പതാക ഉയര്‍ത്തി. വിവിധ വിഷയങ്ങളില്‍ അബ്ദുല്‍ അസീസ് മുസ്‌ലിയാര്‍ മൂത്തേടം, അബ്ദുല്‍ ഹമീദ് ഫൈസി അമ്പലക്കടവ് എന്നിവര്‍ പ്രഭാഷണം നടത്തി. പി.കുഞ്ഞാണിമുസ്‌ലിയാര്‍,സുലൈമാന്‍ ഫൈസി മാളിയേക്കല്‍ എന്നിവരുടെ അനുസ്മരണ പ്രഭാഷണം പുത്തനഴി മൊയ്തീന്‍ ഫൈസി നിര്‍വഹിച്ചു. ഹംസ മുസ്‌ലിയാര്‍ വല്ലപ്പുഴ, സലീം എടക്കര, കെ.ടി കുഞ്ഞിമോന്‍ ഹാജി, കെ.ടി കുഞ്ഞാന്‍ ചുങ്കത്തറ, പി.സുലൈമാന്‍ ഫൈസി, എ.പി യഅ്കൂബ് ഫൈസി രാമംകുത്ത്, ഹംസ ഫൈസി രാമംകുത്ത്, ഹസന്‍ മുസ്‌ലിയാര്‍ വണ്ടൂര്‍, ഹസൈനാര്‍ ബാഖവി ചുങ്കത്തറ, സി. അബ്ദുള്ള മൗലവി, അമാനുല്ല ദാരിമി, കുഞ്ഞാപ്പ മാസ്റ്റര്‍ സംസാരിച്ചു.