ചൊക്ലി (കണ്ണൂര്‍): വീട് നിര്‍മാണത്തിന് എത്തിച്ച മാര്‍ബിള്‍ ലോറിയില്‍ നിന്ന് ഇറക്കുന്നതിനിടെ ദേഹത്ത് വീണ് അധ്യാപകന്‍ മരിച്ചു.

പുല്ലൂക്കര കൊച്ചിയങ്ങാടി കുങ്കന്റെവിട സിജീഷ് (33) ആണ് മരിച്ചത്.
പാനൂര്‍ കുന്നോത്ത് പറമ്പ് സെട്രല്‍ എല്‍.പി സ്‌കൂളിന് സമീപം ഇന്നലെ വൈകിട്ടോടെയായിരുന്നു സംഭവം. മാഹി എം.എം യു.പി സ്‌കൂള്‍ അധ്യാപകനാണ്. വീടു നിര്‍മാണത്തിനായി സുഹൃത്തുക്കളുമായി ചേര്‍ന്ന് ഇതരസംസ്ഥാനത്ത് നിന്നു കൊണ്ടുവന്ന മാര്‍ബിള്‍ ഇറക്കാന്‍ തൊഴിലാളികളെ സഹായിക്കുന്നതിനിടെയാണ് അപകടം.

സിജീഷിനെ ഉടന്‍ തലശ്ശേരിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
ബാലന്റെയും ലീലയുടെയും മകനാണ്. അവിവാഹിതനാണ്. സഹോദരങ്ങള്‍: ജിന്‍സി, സില്‍ജ. സംസ്‌കാരം ഇന്നു നടക്കും.