കൊല്ലം: കേരള പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റും സെക്രട്ടറിയുമായിരുന്ന ആര്യാട് ഗോപിയുടെ സ്മരണാര്‍ഥം ആര്യാട് ഗോപി ട്രസ്റ്റും കൊല്ലം പ്രസ്‌ക്ലബും സംയുക്തമായി ഏര്‍പ്പെടുത്തിയ ദൃശ്യമാധ്യമ പ്രവര്‍ത്തകര്‍ക്കുള്ള സംസ്ഥാന അവാര്‍ഡിന് ഏഷ്യാനെറ്റ് ന്യൂസ് കൊച്ചി പ്രിന്‍സിപ്പല്‍ കറസ്‌പോണ്ടന്റ് ജോഷി കുര്യന്‍ അര്‍ഹനായി. 10,001 രൂപയും ശില്‍പവും പ്രശസ്തിപത്രവും അടങ്ങുന്ന അവാര്‍ഡ് നാളെ രാവിലെ 10.30ന് കൊല്ലം പ്രസ്‌ക്ലബില്‍ ചേരുന്ന അനുസ്മരണ സമ്മേളനത്തില്‍ സമ്മാനിക്കും. വാര്‍ത്താസമ്മേളനത്തില്‍ കൊല്ലം പ്രസ്‌ക്ലബ് പ്രസിഡന്റ് ജയചന്ദ്രന്‍ ഇലങ്കത്ത്, സെക്രട്ടറി ജി. ബിജു, ട്രഷറര്‍ പ്രദീപ് ചന്ദ്രന്‍, ആര്യാട് ഗോപി ട്രസ്റ്റ് അംഗങ്ങളായ ലാലി വി. ആര്യാട്, അയ്യപ്പന്‍ കൃഷ്ണപിള്ള പങ്കെടുത്തു.