കൊണ്ടോട്ടി: പ്രതികൂല കാലാവസ്ഥയെ തുടര്‍ന്ന് കരിപ്പൂര്‍ വിമാനത്താവളത്തില്‍ വിമാനം തിരിച്ചുവിട്ടു.
രാവിലെ 8.05ന് മസ്‌കത്തില്‍നിന്ന് കരിപ്പൂരില്‍ എത്തേണ്ട ഒമാന്‍ എയര്‍ വിമാനമാണ് കൊച്ചിയിലേക്ക് തിരിച്ചുവിട്ടത്. രാവിലെ അന്തരീക്ഷം മേഘാവൃതമായതോടെയാണ് ലാന്‍ഡിങ് തടസപ്പെട്ടത്. ഈ വിമാനം പിന്നീട് രാവിലെ 10.15ന് കരിപ്പൂരില്‍ തിരിച്ചെത്തി. തുടര്‍ന്ന് 11 മണിയോടെ മസ്‌കത്തിലേക്ക് പറന്നു.