തിരുവന്തപുരം : ഗുജറാത്ത് കലാപം റിപ്പോര്‍ട്ട് ചെയ്തതു മുതല്‍ എന്‍.ഡി.ടി.വിയോട് പ്രധാനമന്ത്രി നരേന്ദ്ര മോദിക്ക് വ്യക്തിപരമായ ശത്രുതയുണ്ടെന്ന് സി.പി.എം പൊളിറ്റ് ബ്യൂറോ അംഗം എം.എ ബേബി. എന്‍.ഡി.ടി.വി ചെയര്‍മാന്‍ പ്രണോയ് റോയിയുടെ വീട്ടില്‍ നടന്ന സി.ബി.ഐ റെയ്ഡില്‍ പ്രതിഷേധിച്ചുള്ള ഫേസ്ബുക്ക് പോസ്റ്റിലാണ് അദ്ദേഹം ആരോപണമുന്നയിച്ചത്. എല്ലാക്കാലത്തും മതേതര നിലപാട് സ്വീകരിക്കുകയും ആര്‍.എസ്.എസിന്റെ ഭീഷണികള്‍ക്ക് വഴങ്ങാതിരിക്കുകയും ചെയ്ത സ്ഥാപനമാണ് എന്‍.ഡി.ടി.വി. ഏഴു വര്‍ഷം മുന്‍പുള്ള ഒരു സാമ്പത്തിക പരാതിയുടെ പേരില്‍ നടക്കുന്ന പരിശോധന ഇതിന്റെ ഭാഗമാണെന്നും അദ്ദേഹം ആരോപിച്ചു.