കാസര്‍കോട്: റിസര്‍വേഷന്‍ കൗണ്ടറുകളുടെ നടത്തിപ്പ് കുടുംബശ്രീകളെ ഏല്‍പിക്കാനുള്ള നീക്കത്തില്‍ പ്രതിഷേധിച്ച് കാസര്‍കോട് ഡിപ്പോയില്‍ കെ.എസ്.ആര്‍.ടി.സി തൊഴിലാളികള്‍ മിന്നല്‍ പണിമുടക്ക് നടത്തി.
ഇതോടെവിവിധ പ്രദേശങ്ങളിലേക്കുപോകേണ്ട നൂറുകണക്കിനു യാത്രക്കാര്‍ പെരുവഴിയിലായി. മണിക്കൂറുകള്‍ക്കുശേഷം സമരം പിന്‍വലിച്ചതിനു ശേഷമാണ് ജില്ലയിലെ കെ.എസ്.ആര്‍.ടി.സി സര്‍വിസ് സാധാരണനിലയിലായത്.
കാസര്‍കോട് ഡിപ്പോയില്‍ സമരം നടത്തിയ തൊഴിലാളികള്‍ ഡിപ്പോയ്ക്കു മുന്നില്‍ കുത്തിയിരുന്നുമുദ്രാവാക്യം മുഴക്കി. സി.ഐ.ടി.യു, ഐ.എന്‍.ടി.യു.സി, എ.ഐ.ടി.യു.സി തൊഴിലാളികള്‍ സമരത്തില്‍ പങ്കെടുത്തു.
നേതാക്കളായ ലക്ഷ്മണന്‍, മോഹന്‍ കുമാര്‍ പാടി, എം.പി പത്മനാഭന്‍, ഷംസുദ്ദീന്‍, സന്തോഷ്, കൃഷ്ണ കുമാര്‍, വി.വി ലതീഷ് നേതൃത്വം നല്‍കി.