പുല്‍പ്പള്ളി: മഴക്കാലരോഗപ്രതിരോധ പ്രവര്‍ത്തനങ്ങള്‍ ഏറ്റെടുത്ത് ചെറ്റപ്പാലം പഴശി റസിഡന്റ്‌സ് അസോസിയേഷന്‍ നാടിന് മാതൃകയാകുന്നു.
ശുചിത്വഗൃഹം എന്ന പേരില്‍ മൂന്നു മാസം നീണ്ടുനില്‍ക്കുന്ന പദ്ധതിയാണ് നടപ്പാക്കുന്നത്. വീടും പരിസരവും വൃത്തിയായി സൂക്ഷിക്കുക, പ്ലാസ്റ്റിക് ദുരുപയോഗം ഒഴിവാക്കുക, കൊതുക് വളരുന്നതിനുള്ള സാഹചര്യങ്ങള്‍ ഒഴിവാക്കുക, ഹരിതവല്‍കരണം മഴവെള്ള സംഭരണം തുടങ്ങിയവയാണ് പദ്ധതിയുടെ ഭാഗമായി നടപ്പാക്കുക. ഈ പ്രവര്‍ത്തനങ്ങളില്‍ മികവ് പുലര്‍ത്തുന്ന അംഗത്തിന് 1001 രൂപ ഒന്നാം സമ്മാനമായി നല്‍കും. നിരവധി പ്രോത്സാഹന സമ്മാനങ്ങളുമുണ്ട്. പദ്ധതിയുടെ ഉദ്ഘാടനം ലഫ്റ്റനന്റ് കേണല്‍ ജെയിംസ് മടിക്കാങ്കല്‍ നിര്‍വഹിച്ചു.
തുടര്‍ന്ന് പരിസ്ഥിതി ദിനത്തില്‍ നടുന്നതിനായി അംഗങ്ങള്‍ക്ക് വൃക്ഷത്തൈകള്‍ വിതരണം ചെയ്തു. തൈകളുടെ പരിപാലനം ഉറപ്പാക്കുന്നതിനായി സോഷ്യല്‍ ഓഡിറ്റ് നടത്തും.
എസ.്എസ.്എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ കുട്ടികളെ അനുമോദിച്ചു. വി.ജി. മനോജ്, ടി.എം. കുര്യാക്കോസ്, കുഞ്ഞൂഞ്ഞ് തച്ചുകുഴി, ജനാര്‍ദ്ദനില്‍ സംസാരിച്ചു.