ന്യൂഡല്‍ഹി: പ്രമുഖര്‍ക്കെതിരേ ലൈംഗികാരോപണം ഉന്നയിച്ചുകൊണ്ടുള്ള #MeToo ക്യാംപയിനെതിരേ വിവാദ ആരോപണവുമായി കേന്ദ്രമന്ത്രി പൊന്‍രാധാകൃഷ്ണന്‍. ' വഴി പിഴച്ച മനസുള്ളവര്‍' ആണ് ഇത്തരം ആരോപണങ്ങള്‍ ഉന്നയിക്കന്നവരെന്ന് അദ്ദേഹം പറഞ്ഞു. വര്‍ഷങ്ങള്‍ക്ക് മുമ്പ് സംഭവിച്ച കാര്യങ്ങളെ കുറിച്ച് ഇപ്പോള്‍ ആരോപണങ്ങള്‍ ഉന്നയിക്കുന്നത് ശരിയല്ലെന്നും അദ്ദേഹം പറഞ്ഞു.

പലരും ഉന്നയിക്കുന്ന ആരോപണങ്ങള്‍ വര്‍ഷങ്ങള്‍ക്കു മുന്‍പേ സംഭവിച്ചതാണ്. പഠിക്കുന്ന സമയത്ത് കളിക്കുമ്പോള്‍ എന്നൊക്കെ പറഞ്ഞാണ് ആരോപണങ്ങള്‍ ഉന്നയിക്കുന്നത്. ഇത് ശരിയാണോ? വഴിപഴിച്ച മനസിന്റെ ഫലമാണിതെന്നും പൊന്‍ രാധാകൃഷ്ണന്‍ പറഞ്ഞു. മീടൂ ക്യാംപയിന്‍ കൊണ്ട് രാജ്യത്തെ സ്ത്രീകളുടെ പ്രതിച്ഛായ നശിക്കുകയാണുണ്ടായതെന്നും മന്ത്രി പറഞ്ഞു.