ചേര്‍ത്തല: മാരകരോഗം ബാധിച്ച് വാസയോഗ്യമല്ലാത്ത വീട്ടില്‍ ദുരിതജീവിതം നയിക്കുന്ന അമ്മയ്ക്കും മകനും സുരക്ഷിത ഭവനം ഒരുക്കാന്‍ ഡി.വൈ.എഫ്.ഐ അര്‍ത്തുങ്കല്‍ മേഖല കമ്മിറ്റി.
ചേര്‍ത്തല തെക്ക് മൂന്നാം വാര്‍ഡില്‍ പരുത്യംപള്ളി കല്ലുപുരയ്ക്കല്‍ എല്‍സമ്മയ്ക്കും അച്ചുവിനുമായാണ് വീട് നിര്‍മാണം. തൊഴിലുറപ്പ് തൊഴിലാളിയായ എല്‍സമ്മ അര്‍ബുദരോഗിയും അച്ചു കരള്‍രോഗിയുമാണ്. സുമനസുകളുടെ സഹായത്തോടെയാണ് പട്ടിണികൂടാതെ ജീവിക്കുന്നതും ചികിത്സിക്കുന്നതും. ഈ സാഹചര്യത്തിലാണ് യുവജനങ്ങള്‍ കാരുണ്യസ്പര്‍ശമാകുന്നത്. സമ്മാനകൂപ്പണ്‍ ചെലവഴിച്ചാണ് ഇതിനുള്ള ധനസമാഹരണം നടത്തിയത്.വീടിന്റെ കല്ലിടീല്‍ സി.പി.എം കഞ്ഞിക്കുഴി ഏരിയ സെക്രട്ടറി എസ്.രാധാകൃഷ്ണന്‍ നിര്‍വഹിച്ചു. സി.പി.എം ലോക്കല്‍ സെക്രട്ടറി എന്‍.ഡി ഷിമ്മി, ഡി.വൈ.എഫ.്‌ഐ ബ്ലോക്ക് സെക്രട്ടറി ഉദേഷ് യു കൈമള്‍, പ്രസിഡന്റ് ഹെബിന്‍ദാസ്, എന്‍.എം സുമേഷ്, വി.വി ദീപു, കെ.കെ പ്രശാന്ത്, ടി.ജെ ശ്രീജിത് എന്നിവര്‍ സംസാരിച്ചു.