കോഴിക്കോട്: തീവ്രനിലപാടുകള്‍ ഒഴിവാക്കി തികഞ്ഞ ശ്രദ്ധയും സൂക്ഷ്മതയും പാലിച്ച് ഹൃദയസാന്നിധ്യത്തോടെ ഹജ്ജ് കര്‍മം നിര്‍വഹിക്കാന്‍ വിശ്വാസികള്‍ തയാറാകണമെന്ന് ഡോ. എം.കെ മുനീര്‍ എം.എല്‍.എ. കോഴിക്കോട് ഹജ്ജ് സര്‍വിസ് സൊസൈറ്റിയുടെ ആഭിമുഖ്യത്തില്‍ എം.എസ്.എസ് ഓഡിറ്റോറിയത്തില്‍ സംഘടിപ്പിച്ച ഹജ്ജ് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. ഹജ്ജ് കര്‍മത്തിന്റെ ആത്മാവ് ക്ഷമയും സഹനവുമാണെന്നും അദ്ദേഹം പറഞ്ഞു.
കോഴിക്കോട് ഹജ്ജ് സര്‍വിസ് സൊസൈറ്റി ചെയര്‍മാന്‍ എന്‍ജിനീയര്‍ പി. മമ്മത്‌കോയ അധ്യക്ഷനായി. അഡ്വ. പി. മുഹമ്മദ് ഹനീഫ്, സി. മരക്കാരുട്ടി, അഹമ്മദ് കുട്ടി മദനി എടവണ്ണ, സി. മുഹമ്മദ് സലീം സുല്ലമി, ഡോ. പി.എം കുട്ടി, സി.എം സുബൈര്‍ മദനി സംസാരിച്ചു.