ഹരാരെ: ക്രിക്കറ്റിലെ എല്ലാ ഫോര്‍മാറ്റില്‍ നിന്നും വിരമിക്കാനൊരുങ്ങി സിംബാബ്‌വേ ക്രിക്കറ്റ് ടീം ക്യാപ്റ്റന്‍ ഹാമില്‍ട്ടന്‍ മസാകഡ്‌സ. 18 വര്‍ഷം അന്താരാഷ്ട്ര ക്രിക്കറ്റില്‍ സജീവമായിരുന്ന ഹാമില്‍ട്ടണ്‍, ബംഗ്ലാദേശില്‍ നടക്കാനിരിക്കുന്ന ത്രിരാഷ്ട്ര ടി20 പരമ്പരയ്ക്ക് ശേഷം വിരമിക്കുമെന്നാണ് പ്രഖ്യാപിച്ചിട്ടുള്ളത്.
നേരത്തേ ടെസ്റ്റില്‍ സെഞ്ചുറി നേടുന്ന ഏറ്റവും പ്രായം കുറഞ്ഞ താരം എന്ന റെക്കോര്‍ഡ് ഹാമില്‍ട്ടന്‍ തന്റെ പേരിലാക്കിയിരുന്നു. 2001 ല്‍ വിന്‍ഡീസിനെതിരേയായിരുന്നു അത്. ഈ സെഞ്ചുറി നേടുമ്പോള്‍ 17 വയസും 354 ദിവസവുമായിരുന്നു താരത്തിന്റെ പ്രായം. പിന്നീട് ഇത് ഭേദിക്കപ്പെട്ടു. 38 ടെസ്റ്റുകളും 209 ഏകദിനങ്ങളും 62 ടി20കളും കളിച്ചിട്ടുണ്ട്.