താമരശേരി: ടൗണിലും താലൂക്ക് ആശുപത്രി പരിസരത്തും ഡെങ്കിപ്പനി വ്യാപകമാകുന്ന സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ കാര്യക്ഷമമാക്കണമെന്ന് ഉല്ലാസ് ഹൗസിങ് കോളനി റസിഡന്‍സ് അസോസിയേഷന്‍ ആവശ്യപ്പെട്ടു. പി.ഡബ്ല്യു.ഡി റസ്റ്റ് ഹൗസ്, ആഴ്ചച്ചന്ത, സിവില്‍ സ്റ്റേഷന്‍ പരിസരം എന്നിവിടങ്ങളിലെ ഒഴിഞ്ഞ ടാര്‍വീപ്പ, ടയറുകള്‍, പ്ലാസ്റ്റിക് കവറുകള്‍ എന്നിവയില്‍ കൊതുകുകള്‍ പെരുകുകയാണ്. ഇക്കാര്യം ചൂണ്ടണ്ടിക്കാട്ടി അസോസിയേഷന്‍ പ്രസിഡന്റ് കെ.ടി അബൂബക്കറിന്റെ നേതൃത്വത്തില്‍ താലൂക്ക് ആശുപത്രി മെഡിക്കല്‍ ഓഫിസര്‍ക്ക് നിവേദനം നല്‍കി.