തൊടുപുഴ: ജോസ് കെ. മാണി പക്ഷത്തിന്റെ ചിഹ്നം നേടാനുള്ള കൃത്രിമ നീക്കത്തിനെതിരേയാണ് സ്ഥാനാര്‍ഥിയെ നിര്‍ത്തിയതെന്ന് കേരള കോണ്‍ഗ്രസ് വര്‍ക്കിങ് ചെയര്‍മാന്‍ പി.ജെ ജോസഫ്.
പ്രാദേശിക നേതാക്കളുടെ തീരുമാനം അനുസരിച്ചാണ് ഇത്തരം തീരുമാനം. ഇത് വിമത നീക്കമായി കണക്കാക്കേണ്ടതില്ല. ചിഹ്നവുമായി ബന്ധപ്പെട്ട പ്രശ്‌നങ്ങള്‍ പരിഹരിക്കുന്നതോടെ പത്രിക പിന്‍വലിക്കും.തന്നെ ചെയര്‍മാന്റെ ചുമതലയുള്ള വര്‍ക്കിങ് ചെയര്‍മാനായി അംഗീകരിച്ച് കത്തുനല്‍കിയാല്‍ ചിഹ്നം സംബന്ധിച്ച തീരുമാനം പുനഃപരിശോധിക്കാമെന്ന് പി.ജെ ജോസഫ് ഇന്നലെ രാവിലെ പറഞ്ഞിരുന്നു. ജോസ് കെ. മാണി വിഭാഗം ഇത് തള്ളിയതോടെയാണ് സ്ഥാനാര്‍ഥിയെ നിര്‍ത്താന്‍ ജോസഫ് വിഭാഗം തീരുമാനിച്ചത്. തെരഞ്ഞെടുപ്പ് കണ്‍വന്‍ഷനില്‍ പങ്കെടുക്കണമെന്നാവശ്യപ്പെട്ട് റോഷി അഗസ്റ്റിന്‍ വിളിച്ചിരുന്നുവെന്നും ഇന്നലെ രാവിലെ ജോസഫ് പറഞ്ഞിരുന്നു.